Home / Aitbaar Shayari (page 4)

Aitbaar Shayari

Dost Ban Kar Bhi Nahin Saath Nibhaane Wala..

Dost ban kar bhi nahin saath nibhaane wala,
wahi andaaz hai zaalim ka zamane wala.

Ab usey log samajhte hain giraftaar mera,
sakht naadim hai mujhe daam mein laane wala.

Subah-dam chhod gaya nikhat-e gul ki soorat,
raat ko ghuncha-e dil mein simat aane wala.

Kya kahein kitne maraasim the humare uss se,
woh jo ek shakhs hai munh pher ke jaane wala.

Tere hote hue aa jaati thi sari duniya,
aaj tanha hun toh koi nahin aane wala.

Muntazir kis ka hun tooti hui dehleej pe main,
kaun aayega yahan, kaun hai aane wala.

Kya khabar thi jo meri jaan mein ghulaa hai itna,
hai wahi mujh ko sar-e daar bhi laane wala.

Maine dekha hai bahaaron mein chaman ko jalte,
hai koi khwaab ki tabeer batane wala?

Tum takalluf ko bhi ikhlaas samjhte ho ‘faraz
dost hota nahin har haath milaane wala. !!

Jab Bhi Dil Khol Ke Roye Honge..

Jab bhi dil khol ke roye honge,
log aaraam se soye honge.

Baaz aukaat ba-majboori-e dil,
hum toh kya aap bhi roye honge.

Subah tak dast-e saba ne kya kya,
phool kaanton mein piroye honge.

Woh safeene jinhe toofan na mile,
na-khudaaon ne duboye honge.

Raat bhar hanste hue taaron ne,
un ke aariz bhi bhigoye honge.

Kya ajab hai woh mile bhi hon ‘faraz
hum kisi dhyaan mein khoye honge. !!

Ye Kaisa Ehsaas Hai..?

Girl in love-Lost my love-girl going behindboy-lover-girl watching going boy-sad- nazam-poetry-shayari-poem

Ye kaisa ehsaas hai ?
ki uski na hote hue bhi uski hona chahti hun..
kyon woh shakhs meri rag-o jaan mein basta ja reha hai ?

Ye kaisa sehar hai us shakhs mein ?
ki bin dekhe ,
bin bole ,
bin soche ,
ek aise safar ki taraf nikal padtii hun..
jis ka raasta woh batata hai ..!

Kyon ???
aisa kyon hai ?
kya woh mere mann mandir ka dewta hai ?
jise poojne ka socha tha ?
jis ki ho ke rehne ka socha tha ?

Haan!
shayad ye wohi shakhs hai..
haan ye wohi dewta hai..
jo mera toh nahin lekin main toh uss ki hun..
kyon ki uss ke baad khone ke liye kuchh bhi nahin baaki..
toh usey khone se toh dara jayega na ?

Phir bhi main uss sakhs ko khone se kyon darti hun ?
na toh woh mera hai !
aur na uss ne mera hone ka dawa kiya hai !
toh phir kyon uss ke sehar mein uss ke pichhe bhaagti hun ?

Ek sawaal khud se karti hun toh jawaab milta hai.
haan shayad woh shakhs bhi mujhe chaahne laga hai !..
woh bhi apni khwahishat se ladta hua !
mera hi toh hona chaahta hai ..!

Aur agar woh mera hi hona chahta hai ,
toh jazbaat itne mand kyon?
kabhi toh khule dil se apnaane ka dawa kare !
kabhi toh mera ho jaane ka dawa kare !
kabhi toh mujhe chaahne ka dawa kare …!!

Ye Main Bhi Kya Hun Usey Bhool Kar Ussi Ka Raha..

Ye main bhi kya hun usey bhool kar ussi ka raha,
ki jis ke saath na tha humsafar  ussi ka raha.

Woh buut ki dushman-e deen tha ba-qaul naaseh ke,
sawaal-e sajda aaya jab aaya toh toh dar ussi ka raha.

Hazaar chaaragaron ne hazaar baaten ki,
keha jo dil ne sukhan mo’tabar ussi ka raha.

Bahut si khwaahishen sau baarishon mein bheegi hain,
main kis tarah se kahun umar bhar ussi ka raha.

Ki apne harf ki tauqeer jaanta tha ‘faraz
issi liye kaf-e qaatil pe sar ussi ka tha. !!

Gairat-e Ishq Salaamat Thi, Anaa Zinda Thi..

Gairat-e ishq salaamat thi anaa zinda thi,
woh bhi din the ki raah-o rasm-e wafa zinda thi.

Qais ko dosh na do rakhiyo na farhaad ko naam,
inhi logon se mohabbat ki adaa zinda thi.

Shehar-e beemar ke har koocha-o baam-o dar par,
hum bhi marte the ki jab khalq-e khuda zinda thi.

Bujh gayi shamaayen toh dum tod gaye jhounke bhi,
jis tarah zehar-e raqaabat se hawa zinda thi.

Yaad-e ayyaam ki sehra-e mohabbat mein ‘faraz
jaras-e qaafila-e dil ki sadaa zinda thi. !!

Agarche Zor Hawaon Ne Daal Rakha Hai..

Agarche zor hawaon ne daal rakha hai,
magar charaagh ne lau ko sambhaal rakha hai.

Mohabbaton mein toh milna hai ya ujad jana,
mizaaj-e ishq mein kab etidaal rakha hai.

Hawa mein nasha hi nasha fazaa mein rang hi rang,
ye kis ne pairhan apna uchhaal rakha hai.

Bhale dino ka bharosa hi kya rahen na rahen,
so maine rishta-e ghum ko bahaal rakha hai.

Hum aise sada-dilon ko woh dost ho ki khuda,
sabhi ne wada-e fardaa pe taal rakha hai.

Hisaab lutf-e hareefan kiya hai jab toh khula,
ki doston ne zyada khyaal rakha hai.

Bhari bahaar mein ek shaakh par khila hai gulaab,
ki jaise tune hatheli pe gaal rakha hai.

Faraz’ ishq ki duniya toh khoobsurat thi,
ye kisne fitna-e-hijr-o-visaal rakha hai. !!

Use Dekh Ke Palkein Utha Na Sake..

Seprating couple- judaai- nazam- judaai shayari- poetry

Usey dekh ke palkein utha na sake ,
hum apne aansuon ko samjha na sake..

Uss ke sang bitaana chahte the tamaam umar ,
bas yahi baat apne naseeb ko samjha na sake..

Zîndagi mein bas ek hi toh khwaahish thi humari ,
usey bhi apna sab kuchh luta kar pa na sake..

Jise aitbaar tha hum pe khud se kahin badh kar ,
usey bhi hum apni sacchai ka yakeen dila na sake..

Na jaane kitni sadiyan beet gayi jaagte jaagte ,
hum phir bhi apne ghumon ko sula na sake..

Mere maula sada khush rakhna usey ,
woh bin jis ke hum kabhi muskura na sake..

Usey khone ke baad jaane kyon aisa lagta hai ,
ki hum zindagi mein kuchh bhi toh na paa sake..

Itne thak chuke hain ab toh zindagi se hum ,
ki zindagi ko bhi zinda bana na sake..

Usne phir kabhi mud kar humara haal tak na poochha ,
woh jis ka harf harf hum bhula na sake..

Na jaane kitni duaayen maangi humne uss ko paane ki ,
par apne naseeb ko hum jhuthla na sake..

Log kehte hain usey bhula kyon nahin dete ho ?
jis ke sang beeta ek pal bhi hum bhula na sake …!