Home / Poets / Ahmad Faraz / Barson Ke Baad Dekha Ek Shakhs Dilruba Sa ..

Barson Ke Baad Dekha Ek Shakhs Dilruba Sa ..

Barson ke baad dekha ek shakhs dilruba sa
ab zehan mein nahin hai, par naam tha bhala sa.

Abro khinche khinche se, aankhen jhuki jhuki si
baaten ruki ruki si, lehja thaka thaka sa.

Alfaaz the ki jugnu aawaz ke safar mein
ban jaaye jungalon mein jis tarah raasta sa.

Khwaabon mein khwaab uske, yaadon mein yaad uski
neendon mein ghul gya ho jaise ki rat-jaga sa.

Pehle bhi log aaye kitne hi zindagi mein
woh har tarah se lekin auron se tha judaa sa.

Kuchh ye ki muddaton se hum bhi nahin the roye
kuchh zehar mein ghula tha ahbaab ka dilasa.

Phir yun hua ki saawan aankhon men aa base the
phir yun hua ki jaise dil bhi tha aablaa sa.

Ab sach kahen toh yaaro hum ko khabar nahin thi
ban jayega qayaamat ek waaqiya zara sa.

Tewar the be’rukhi ke, andaaz dosti ka
woh ajnabi tha lekin lagta tha aashna sa.

Hum dasht the ki dariya, hum zehar the ki amrit
naa’haq the zaam hum ko, jab woh nahin tha pyaasa.

Humne bhi usko dekha kal shaam ittefaaqan
apna bhi haal hai ab logo ‘Faraz’ ka sa .!!

– Ahmad Faraz

Barson Ke Baad Dekha Ek Shakhs Dilruba Sa ..
Please Rate this poetry!

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Agar Main Hadh Se Guzar Jaaun Toh Mujhe Maaf Kar Dena..

Agar main hadh se guzar jaaun toh mujhe maaf kar dena, tere dil mein utar …

Leave a Reply

Your email address will not be published.