Home / Poets / Bekhud Dehlvi / Aap Hain Begunaah Kya Kehna..

Aap Hain Begunaah Kya Kehna..

Bekhud Dehlvi Poetry

Aap hain be-gunaah kya kehna,
kya safaai hai waah kya kehna.

Uss se haal-e-tabaah kya kehna,
jo kahe sun ke waah kya kehna.

Hashr mein ye unhen nayi soojhi,
ban gaye daad-khwaah kya kehna.

Uzr karna sitam ke baad tumhen,
khoob aata hai waah kya kehna.

Tum na roko nigaah ko apni,
hum karen zabt-e-aah kya kehna.

Tujh se achchhe kahan zamaane mein,
waah aey rashk-e-maah kya kehna.

Ghair par lutf-e-khaas ka izhaar,
mujh se tedhi nigaah kya kehna.

Ghair se maang kar suboot-e-wafa,
ban gaye khud gawaah kya kehna.

Dil bhi le kar nahin yaqeen-e-wafa,
hai abhi ishtibaah kya kehna.

Balbe chitwan teri maaz-allah,
uff re tedhi nigaah kya kehna.

Un gunon par najaat ki ummeed,
‘bekhud’-e-ru-siyaah kya kehna. !!

Bekhud Dehlvi Poetry Collection

Subscribe us for bekhud dehlvi shayari, ghazals, poems, nazms, shair, urdu poets. 

Aap Hain Begunaah Kya Kehna..
Please Rate this poetry!

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Check Also

Ronaq-e Rahguzar Hai Tanhaai..

Mohsin Naqvi Ghazal Ronaq-e rahguzar hai tanhaai, phir meri humsafar hai tanhaai. ! Chaand kyon …

Leave a Reply

Your email address will not be published.