Home / Ghazals / Aaj lab-e guhar-fishan aap ne waa nahin kiya..

Aaj lab-e guhar-fishan aap ne waa nahin kiya..

Ghazal by Jaun Eliya

Aaj lab-e guhar-fishan aap ne waa nahin kiya,
tazkira-e khajista-e ab-o hawa nahin kiya.

Kaise kahen ki tujh ko bhi hum se hai wasta koi,
tune toh hum se aaj tak koi gila nahin kiya.

Jaane teri nahin ke saath kitne hi jabr the ki the,
maine tere lihaaz mein tera kaha nahin kiya.

Mujh ko ye hosh hi na tha tu mere baazuon mein hai,
yaani tujhe abhi talak maine riha nahin kiya.

Tu bhi kisi ke baab mein ahd-shikan ho ghaliban,
maine bhi ek shakhs ka qarz ada nahin kiya.

Haan woh nigaah-e naaz bhi ab nahin majra-talab
hum ne bhi ab ki fasl mein shor bapa nahin kiya. !!

Aaj lab-e guhar-fishan aap ne waa nahin kiya..
Please Rate this poetry!

About Poetry One

~ ~ Poetry One -All the Best poetry from Urdu and Hindi world. Find Best, famous, memorable, and popular poems & poetry from top Shayars and poets from Pakistan, India. An evergreen collections of shayaries for Love, Life, Sadness & Romance ~ ~

Leave a Reply

Your email address will not be published.